Aðalmarkmiðin

Fyrsta færslan - woop woop ! *

Sæl veriði, ég heiti KatrínÞöll og þetta er fyrsta færsla meistaramánaðrinns míns. Vissulega ættu allir mánuðir að vera meistaramánuðir en þetta er allavega góður staður til að byrja. Ég rakst í rauninni bara á fréttina af þessari skemmtilegu áskorun þegar ég var að lesa skopmyndasögurnar í fréttablaðinu sem og svo oft áður, og datt í hug að þetta gæti allavega orðið áhugavert að reyna að komast í gegnum einn mánuð og án þess að slá hlutunum á frest, sofa yfir sig eða… þið skiljið hvað ég er að fara.

Fyrsta markmiðið mitt þennan mánuðinn snýr einmitt að svefni. Í þeim málum er ég þessi týpíska íslenska B típa þarf að fá morgunkaffið beint í æð í morgunnsárið til að sjá fram yfir nefið á sér og finnst engin uppfinning dásamlegri en “snooze” takkinn á bláum mánudegi. Þennan mánuðinn hinsvegar ætla ég að reyna að fara fyrr í rúmið og vakna fyrr á morgnanna – byrja daginn fyrr í rólegheitunum.

         //1.fyrr að sofa -> vakna fyrr -> hress.//

Svo þegar ég er kominn í þann gír að mæta eldhress í fyrsta tíma þá verður maður að sjálfsögðu að mastera skólann líka ekki satt ? Eftir að hafa lært latínu & heimsspeki á tungumáli sem þú kunnir ekkert í heilt ár þá ætti Íslenska 402 að vera leikur einn ef ég kem mér einfaldlega í það að lesa heima þó að það sé mikið að gera. Næsta markmið er því að klára heimanámið alltaf jafnóðum.

         //2. Mastera skólann & lesa heima.//

Þó að það sé nú alveg nóg að gera hjá mér þessa daganna þá er ég engu að síður búin að vera heldur treg í því að demba mér í alla gömlu hlutina sem ég var í áður en ég fór út s.s. dans, leikfélagið. Stundum verður maður einfaldlega að fá að dilla rassinum aðeins við Zumba eða Salsa tónlist – svo að næstu misseri ætla ég að rækta áhugamálin mín vel; dansa, syngja, ferðast, spila, leika, fara á tónleika, kaffihús, djamma, fíflast og gera bara eitthvað sem að mér finnst skemmtilegt á hverjum einasta degi.

         //3. áhugamálin -> gera eitthvað nýtt & spennandi á hverjum degi//

Næsta markmið er fengið að láni en sumt er einfaldlega ekki sagt nógu oft ; “ Hugmynd að meistaraáskorun #8: Ræktaðu vináttuna og hittu félagana oftar. Maður er manns gaman, og saman getum við afrekað miklu meira í Meistaramánuðinum”. Basic.

         //4. Rækta vinskap – gamlann & nýjann.//

Ég get verið agalega með það að fylla skrifborðsstólinn eða rúmmið mitt af fötum þegar mikið gengur á. Eina stundina er allt í himan lagin en þá næstu virðist sem að fataskápurinn hafi gubbað öllu töskusafninu, fötunum mínum & heimanámi vikunnar víðsvegar um herbergið. Næstu 30 dagana mun þetta hinsvegar heyra sögunni til, fötin fara beint inn í skáp á kvöldin & blöðin í möppur.

         //5. Hafa kósý í kringum mig.//

Ég ætla reyndar ekki í neina sérstaka megrun í þessu átaki þar sem að múslí verður seint talinn einn helsti offituvaldur í heiminum. Hinsvegar væri ekki vitlaust að hugsa aðeins um það að borða hluti sem að gera mann ennþá hressari & hreyfa sig ennþá meira. Skipta jafnvel einstaka kaffibolla út fyrir te – svo maður endi nú ekki uppi með magasár & deyji eins og Magga líffræðikennari myndi orða þetta…

         //6. Extra hreyfing & rétt mataræði.//

Þetta eru s.s. aðalmarkmiðin en eflaust eiga önnur minni eftir að týnast hérna inn næstu dagana. Það að blogga í 30 daga er í raun ákveðin áskorun út af fyrir sig en auðvitað viss útrás fyrir endalausa tjáningarþörf… ;)

Þangað til næst,

- KatrínÞöll*